Monday, April 16, 2012

అందుకేనేమో!

ఈ ఉదయం శతసహస్ర వర్ణాల్లో ప్రకాశిస్తోంది.. నీ చూపుల కిరణాలు ప్రసరించినందుకేమో..
నా మోమున కోటి కాంతులు విరిసాయి.. నిన్ను కన్నులారా కన్నందుకేమో..
వేసంగి ఎండ చలువ పందిరిలా మారింది.. నీ ఎలనవ్వు తెమ్మెరలు వీచినందుకేమో..
నా చీర కుచ్చిళ్ళు తడబడుతున్నాయి.. నిన్ను చేరాలనే తొందరలోనేమో..
మబ్బులు నా పాదాల కిందకి వచ్చి చేరాయి.. నీ సందిట నిలిచినందుకేమో..
వాన చినుకులు వెచ్చగా తాకుతున్నాయి.. నీతో కలిసి తడుస్తున్నందుకేమో..
వాలుజడన దాగిన సంపంగి మొగ్గ పురి విప్పింది.. నీ ఊపిరి తాగినందుకేమో..
నా మేనులో మల్లెలు పూసాయి.. నీ చేతుల్లో అల్లుకుపోయినందుకేమో..
నా ప్రేమ ఫలించింది.. ఈ జన్మ తరించింది.. నీకు సొంతమైనందుకేనేమో!

22 comments:

జలతారువెన్నెల said...

మధురవాణి గారు, ముందుగా చిత్రం ఎంతో బాగుంది. అమ్మయకంగా, అందంగా, రంగులతో చాలా చాలా బాగుంది. మీ కవిత కూడా ఆ చిత్రం అంత బాగుంది. మీకు అభినందనలు.

జయ said...

ఈ కవిత ఇంత అందంగా ఉండ బట్టేనేమో! ఆ బొమ్మ కంత అందమొచ్చింది.
ఆ అమ్మాయి వెలుగులు ఈ కవిత నిండా ఎన్ని జిలుగులు నింపేసాయో!
అందుకేనేమో! అంత సౌందర్యముంది మీ రచనలో.

oddula ravisekhar said...

రవి వర్మ కే అందని ఒకే ఒక అందానివో !అంత బాగా వుంది చిత్రం.కవిత హాయిగా వుంది.

'Padmarpita' said...

మీ కవిత చాలాబాగుంది!

♛ తెలుగు పాటలు ♛ said...

WOW చాలా బాగుంది అండి

kastephale said...

w9onderful

KumarN said...

"నా చీర కుచ్చిళ్ళు తడబడుతున్నాయి.. నిన్ను చేరాలనే తొందరలోనేమో..
మబ్బులు నా పాదాల కిందకి వచ్చి చేరాయి.. నీ సందిట నిలిచినందుకేమో..
వాన చినుకులు వెచ్చగా తాకుతున్నాయి.. నీతో కలిసి తడుస్తున్నందుకేమో..
వాలుజడన దాగిన సంపంగి మొగ్గ పురి విప్పింది.. నీ ఊపిరి తాగినందుకేమో.."

అవి నచ్చాయి నాకు

వెంకట రాజారావు . లక్కాకుల said...

మా 'మథుర వాణి 'మదిలో
ప్రేమామృత ధార లొలుక విరిసిన 'కవితా
రామ గులాబీ'- 'అందుకె
నేమో !'మనసునకు హాయి నింపెను చదువన్

బ్లాగు సుజన-సృజన

శేఖర్ (Sekhar) said...

Nice One Madhra garu :))

మధురవాణి said...

@ జలతారు వెన్నెల, జయ, oddula ravisekhar..
అమ్మాయి బొమ్మ గూగుల్ నుంచి తీసుకున్నదేనండీ.. నాక్కూడా చాలా నచ్చేసింది. నేను రాసింది కూడా నచ్చినందుకు సంతోషం. ధన్యవాదాలండీ.. :)

@ పద్మార్పిత, తెలుగు పాటలు, కష్టేఫలే, శేఖర్..
అభినందించిన మిత్రులకు కృతజ్ఞతలు. :)

@ KumarN,
చాలా సంతోషం.. థాంక్సండీ.. :)

@ వెంకట రాజారావు . లక్కాకుల,
మీరు మాత్రం అలవోకగా భలే పద్యాలు రాసేస్తారండీ.. చాలా సంతోషమయ్యింది. ధన్యవాదాలు.. :)

నిరంతరమూ వసంతములే.... said...

ఫోటోలో కుందనపు బొమ్మ కొంచెం దిగాలుగా వుంది...మీ కవిత అంత అందంగా లేననేనేమో!

Anudeep said...

చాలా బాగుందండి!ఇందులోని కొన్ని పదాలకు నాకు అర్ధం తెలియదు కాని,మొత్తం లైన్ చదివాక అర్ధం తెలిసింది.
*నాకు మొట్టమొదట తెలిసిన తెలుగు బ్లాగ్ మీదేనండి.దేనికోసమో వెతుకుతుంటే మీ బ్లాగ్ కనిపించింది.అప్పుడు నేను చదివింది మీరెప్పుడో రాసిన 'మిస్ పనివంతురాలు'.ఇంక రెగ్యులర్ follower ని అయిపోయా.

ఫోటాన్ said...

సూపర్.. :~)

మధురవాణి said...

@ నిరంతరమూ వసంతములే,
హహ్హహ్హా.. భలే చెప్పారుగా.. ఏమో మరి నాకైతే దిగాలుగా ఏం అనిపించలేదు. :))
స్పందించినందుకు ధన్యవాదాలండీ..

@ అనుదీప్,
చాలా థాంక్సండీ.. ఏదైనా పదం అర్థం తెలీకపోతే అడగండి.. అయినా నా భాషా పరిజ్ఞానం కూడా తక్కువేలెండి.. నాకు వచ్చినవే తేలిక పదాలు.. :)
ఓహో.. అయితే అలా పరిచయం అయిందన్నమాట నా బ్లాగు మీకు.. బావుంది తెలుసుకోవడం.. Thanks for following my blog. :)

@ ఫోటాన్,
థాంక్యూ.. :)

చాణక్య said...

నా చేతులు తొందరపడుతున్నాయి వ్యాఖ్య రాయడానికి.. 'మధుర' కవితాధారను గ్రోలినందుకేమో! :))

HarshaBharatiya said...

nice pic and nice post madhura gaaru

మధురవాణి said...

@ చాణక్య,
హహ్హహ్హా... థాంక్సండీ.. :))

@ HarshaBharatiya,
ధన్యవాదాలండీ.. :)

రాజ్ కుమార్ said...

చాలా బాగుందండీ..

చిన్ని ఆశ said...

మధురవాణి గారూ! ఎప్పటిలానే మీ అక్షర భావకుసుమాలు మధురం, సుమధురం...

మధురవాణి said...

@ రాజ్ కుమార్,
థాంక్యూ.. :)

@ చిన్ని ఆశ,
ఎప్పట్లానే మీ స్నేహపూర్వకమైన పలకరింపు కూడా మనోహరం. ధన్యవాదాలండీ.. :)

భరత్ said...

"వాలుజడన దాగిన సంపంగి మొగ్గ పురి విప్పింది.. నీ ఊపిరి తాగినందుకేమో"

ఈ వాక్యం లొ ఉపమానాన్ని చాల అందం గా వాడినారు :)


చాల రోజుల తర్వాత మీ బ్లాగ్ చూస్తున్న నాకు మీ మరొక అందమైన కవిత స్వాగతం చెప్పింది

మధురవాణి said...

@ భరత్,
ధన్యవాదాలండీ.. :)