Tuesday, February 22, 2011

ఎందాకా వెళ్ళినా..


దిక్కులన్నీ చుట్టేస్తూ సుదూర తీరాలకేసి పరుగులు తీస్తూ అలసిపోయాను.
ఎందాకా వెళ్ళినా నువ్వే ఎదురవుతున్నావు!
నీలాల నింగిలో.. నిండుగా నిశ్చలంగా ఉన్న నీటి కొలనులో..
ఆవేశంగా ఎగిసిపడే కడలి కెరటాలలో.. అన్నిటా అంతటా నువ్వే!
గట్టిగా కళ్ళు మూసుకుని చీకటి లోయలోకి జారిపోయాను..
ఆశ్చర్యం! అంతటి చిక్కటి నల్లటి చీకటిలోనూ నువ్వు స్పష్టంగా కనిపిస్తున్నావు..
శ్వాస మీద ధ్యాస నిలిపి ధ్యానం ఒడిలో సేద తీరాలనుకున్నాను..
చిత్రం! నా ఊపిరి సవ్వడిలో నీ నామ జపమే వినిపిస్తోంది..
నా మనసుని శూన్యంలోకి నెట్టేయ్యడానికి విశ్వప్రయత్నం చేశాను..
విచిత్రం! నీ జాడ లేని శూన్యమైనా నా చేతికి దొరకలేదు..
గుండె చిక్కబట్టుకుని చివరి ప్రయత్నంగా మౌనాన్ని ఆశ్రయించాను..
ఆ నిశబ్దంలో నా గుండె చప్పుడులో నీ ఊసులు వేయింతలై వినిపిస్తున్నాయి..
హృదయం బద్దలైపోతోందా అన్నంత అలవి కాని వేదనని కలిగిస్తున్నాయి..
నా శక్తికి మించిన భారంలా మారిన నిన్ను మోయలేకపోతున్నా!
నీ మీద నుంచి నా ధ్యాస మరల్చాలనే ప్రయత్నం వృథాగా మిగిలిపోతోంది..
ఇలా బాధపడాలనే ఋణమేనా మనిద్దరికీ మధ్యన ఇంకా మిగిలి ఉంది!?
ఇప్పుడు నాకనిపిస్తోంది.. నువ్వు నాలోనే ఉన్నావు.. ఉంటావు కూడా!
నాలో కరిగిపోయి కలిసిపోయిన బంధానివి నువ్వు..
నేనంటూ ఉన్నదాకా నీ నుంచి నేను తప్పించుకుపోలేననుకుంటా!

at

27 comments:

  1. మనసు పలికేFebruary 22, 2011 at 3:24 PM

    చాలా బాగా రాసారు మధుర:) Superb..

    ReplyDelete
  2. లతFebruary 22, 2011 at 4:25 PM

    చాలా బావుందండీ

    ReplyDelete
  3. భరత్ నునేపల్లిFebruary 22, 2011 at 4:30 PM

    నమస్తే అండి....మీ కవితలని చదువుతుంటే అలౌకిక అనందం కలుగుతుంది నాకు... చాల బాగా వ్రాసారు.

    ReplyDelete
  4. లక్ష్మీదేవి / लक्ष्मीदेवीFebruary 22, 2011 at 5:02 PM

    "నీవు లేని శూన్యం కూడా నాక్కనిపించట్లేదు."
    చాలా బాగుంది.

    ReplyDelete
  5. హరే కృష్ణFebruary 22, 2011 at 5:33 PM

    చాలా బావుంది!

    ReplyDelete
  6. PadmarpitaFebruary 22, 2011 at 8:18 PM

    బాగుందండి!

    ReplyDelete
  7. EnnelaFebruary 22, 2011 at 11:16 PM

    //గుండె చిక్కబట్టుకుని చివరి ప్రయత్నంగా మౌనాన్ని ఆశ్రయించాను...//దీని గురించి నేను ఆలోచించాలి సుమా....చాల కష్టం నాకు...
    టపా చాల బాగుందండీ

    ReplyDelete
  8. snehaFebruary 23, 2011 at 3:12 AM

    chala bagundi...marhdura garu..
    i have been checking your blog for new updates..atlast...

    ReplyDelete
  9. చెప్పాలంటే......February 23, 2011 at 5:03 AM

    చాలా చాలా బావుందండీ

    ReplyDelete
  10. praveenaFebruary 23, 2011 at 6:18 AM

    chala bagundi..

    ReplyDelete
  11. Arun KumarFebruary 23, 2011 at 10:11 AM

    చాలా బాగా రాసారు మధుర:)

    ReplyDelete
  12. UnknownFebruary 23, 2011 at 12:33 PM

    మధు సూపర్ ఉంది :) మరి ఇంత మంచి కవితలు అవి రాసేస్తే ఎత్తుకెళ్ళి వాళ్ళ బ్లాగులో పెట్టుకోక ఎం చేస్తారు చెప్పు ??:) హాట్సాఫ్

    ReplyDelete
  13. raaam.....February 23, 2011 at 3:00 PM

    hmm...chala bagundi madhura garu....thnx for gud posts...

    ReplyDelete
  14. veera murthy (satya)February 23, 2011 at 5:16 PM

    "
    నీ భావాలు శూన్యాన్ని పట్టుకునెదాకా వెళ్తున్నాయ్
    నీ ప్రయత్నాలు మౌనాన్ని మాటాడించేదాకా వెళ్తున్నాయ్
    నీ ఆశ్చర్యం చీకట్లో కూడా స్పష్టంగా కనిపిస్తుంది.
    నీ ఎదురుచూపు నింగిలో కూడా నిశ్చలంగా నిలబడుతుంది
    నీ పరుగులు దిక్కులని ధిక్కరిస్తున్నాయి.
    నీ అలోచనలు అంబరాన్ని వెక్కిరిస్తున్నాయి.... "


    ఇ మాటలన్నీ మీ కవితా భావాల సారమే...

    అందుకోండి..

    మీ భావాల ప్రవానికి తడిసిపొయాం...ధన్యవాదాలు.
    -సత్య

    ReplyDelete
  15. kiranFebruary 23, 2011 at 5:48 PM

    chala chala bagundi.. :)
    ఇలా బాధపడాలనే ఋణమేనా మనిద్దరికీ మధ్యన ఇంకా మిగిలి ఉంది!? - ii line suuuperbb.. :)

    ReplyDelete
  16. శివరంజనిFebruary 24, 2011 at 10:06 AM

    చాలా sweet గా రాసారు మధుర:)

    ReplyDelete
  17. SobhaFebruary 25, 2011 at 6:03 PM

    chala baavundhi

    ReplyDelete
  18. veera murthy (satya)February 27, 2011 at 6:51 AM

    madhuravani garu namaste!

    మీకిదే కవితా పోటీకి ఆహ్వానం

    http://neelahamsa.blogspot.com/2011/02/open-challenge.html

    -satya

    ReplyDelete
  19. AnonymousFebruary 27, 2011 at 1:30 PM

    చాలా చాలా బావుంది..:)

    ReplyDelete
  20. AnudeepFebruary 28, 2011 at 7:37 AM

    హాయ్ అండి, చాలా బాగా రాశారు... ప్రేమ నిరీక్షణలో ఉన్న అంత్య లోతుల్ని స్పృశించి రాసినట్టుంది. ఇంతకి ఇది ప్రేయసి ప్రియుడు కోసమా? లేక ప్రియుడు ప్రియుడు ప్రేయసి కోసమా? ఇదీ నా సందేహం..

    -Anudeep

    ReplyDelete
  21. మధురవాణిMarch 2, 2011 at 4:37 PM

    @ మనసు పలికే, లత, మందాకిని, హరే కృష్ణ, పద్మార్పిత, చెప్పాలంటే, ప్రవీణ, అరుణ్ కుమార్, రామ్, శివరంజని, శోభ, b,
    స్పందించిన మిత్రులందరికీ ధన్యవాదాలు. :)

    @ భరత్ నూనేపల్లి,
    థాంక్యూ! అదంతా కేవలం మీ అభిమానం అని నేనంటాను. :)

    @ మందాకిని,
    అవునండీ.. సరిగ్గా అదే నేను చెప్పాలనుకున్న భావం! :)

    ReplyDelete
  22. మధురవాణిMarch 2, 2011 at 4:44 PM

    @ ఎన్నెల,
    థాంక్యూ! ఎప్పుడైనా సహజంగా మౌనంగా ఉండటంలో సమస్య లేదు కానీ.. కావాలని పట్టు బట్టి మౌనంగా ఉండాలనుకోడం కష్టమే కదా మరి! :)

    @ స్నేహ,
    థాంక్యూ! సారీ అండి.. చాలా రోజులు బ్లాగ్ అప్డేట్ చేయలేదు ఈసారి.. :P

    @ కావ్య,
    హహహ్హా.. కావ్యా.. భలే విషయం కనిపెట్టావ్ గా! నిజంగా అదే కారణం అయితే కాపీ కొట్టబడినందుకు సంతోషించాలేమో! :D

    @ కిరణ్,
    థాంక్యూ! నాక్కూడా ఆ లైన్ చాలా నచ్చింది. :)

    ReplyDelete
  23. మధురవాణిMarch 4, 2011 at 12:03 PM

    @ సత్య,
    ఇప్పటికిప్పుడు భలే రాసేశారండీ మీరు! నేను రాసినదాని కంటే మీరు రాసినదాంట్లో మరింత భావతీవ్రత ఉందనిపించింది. చాలా బాగుంది. బోల్డు ధన్యవాదాలు.. :)
    కవితాపోటీకి ఆహ్వానించినదుకు ధన్యురాలిని.. ఖచ్చితంగా రాసి పంపుతానని మాటివ్వలేను గానీ, ప్రయత్నిస్తానని మాత్రం నమ్మకంగా చెప్పగలను.. :)

    ReplyDelete
  24. మధురవాణిMarch 4, 2011 at 12:06 PM

    @ అనుదీప్,
    హాయ్! సంతోషం కవిత మీకు నచ్చినందుకు..ధన్యవాదాలు! :)
    మీ సందేహానికి నా సమాధానం ఏంటంటే, ఇది అమ్మాయి అయినా, అబ్బాయి అయినా అనుకునే అవకాశమున్న భావం కాబట్టి.. మీకెలా అనిపిస్తే అదే సరైనది అనుకోవచ్చు.. ;)

    ReplyDelete
  25. సుమలతMarch 4, 2011 at 6:38 PM

    చాలా బాగా రాసారు మధురవాణి గారు సూపర్ ;

    ReplyDelete
  26. మధురవాణిMarch 14, 2011 at 4:14 PM

    థాంక్యూ సుమలత గారూ! :)

    ReplyDelete
  27. NagarajuMarch 15, 2011 at 2:45 AM

    plz read for information on following blogs
    gsystime.blogspot.com - telugu
    galaxystimeblogspot.com - english
    galaxystartime.blogspot.com - animation engines

    Thanks

    ReplyDelete

Thanks for visiting my blog. Your response on my blog posts is greatly appreciated!